Diabierna merdia, Premier Rutte a sigui elabora riba e islanan den Caribe y e yudansa cu Hulanda mester duna:
Na ningun momento nos ta dicta riba nan; Pero solamente mi ta bisa cu si nan pidi ayudo, e ora nos hunto cu nan por haci un analisis riba e motibonan cu bo mes no por. Y constantemente ta sali na cla cu nan tin atraso riba diferente tereno.
No ta un poco friu di bo parti, si bo pusha e islanan di Caribe, na e mes un distancia cu e paisnan Europeo?
Rutte a contesta: Ami no ta haci esey. Solamente mi ta bisa: Claro cu tin un comparacion. Mira; Hulanda ta dispuesto incondicionalmente pa yuda cu ayudo medico, no tin discucion riba esey. Claro, tambe honestamente nos ta yuda e aña aki, cu entre otro, manda e barco Karel Doorman pa Caribe y via otro canalnan nos ta yuda cu equipo pa IC units (kambernan di cuido intensivo) pa asina garantisa cu si bini un brote nobo, nan tin e capacidad pa combati’ele medicamente. Claro pa e cosnan aki, nunca, pero nunca bo ta pone ningun condicion. Ayudo di emergencia tambe ta bay pe islanan. Ta trata di cantidadnan grandi pa garantisa suministro di alimento etc. Esakinan ta funcciona sin problema y sin condicion. Pero una vez cu papia riba ayudo pa likides den forma di placa, una vez cu ta papia di un mayor inversion den e islanan, mi ta kere cu tin sentido pa mi bisa: Si esaki mester bolbe pasa, un crisis di cualke tipo, kico nos por haci awo, pa garantisa cu e islanan ta den un posicion mas fuerte? Mi no ta kere cu esaki ta un locura.
Nan ta paisnan independiente dentro di Reino. Tres pais independiente. Nan no ta unicamente pais, pero nan ta pais dentro di Reino. Nos tin un coneccion historico hopi profundo cu nan. Un vinculo unico.
Nan ta un sorto di Hulanda?
Rutte; Si, bueno, bueno, tambe nos tin un relacion unico cu Europa. Estadonan miembro di Europa. No, mi no kier bisa nada no quiero decir nada mahor riba esey. Solamente mi ta kere cu si nos, como Hulanda ta dispuesto pa usa placa di belasting pa muestra solidaridad cu otronan den probelma. Mi mag di puntra e ora: Si, nos ta dispuesto pa haci eseynan, mi ta kere cu tin sentido ora ta trata di asistencia medico, sin condicion. Pero si ta bay mas leu cu esey, tambe mi por puntra e paisnan: Kico ta posibel pa bo haci serca boso, pa asegura cu e proximo ves bo mes por haci’e?
