Diabierna mainta un famia a bishita nos medio di comunicacion, unda via Radio Aruba 91.5 FM, a haci un denuncia publico contra di Cruz Cora. Segun Sra. Judith, el’a acudi na Rode Kruis pa pidi ayudo. Ora el’a yega el’a haya algun tent, y como tur persona cu ta dunando ayudo ta Latino cu ta papia spaño. Rode Kruis a bisa e señora cu e no por yuda si no a registra online. Ora e señora a bolbe pidi ayudo, y a bisa nan “conchale, pone boso man na curazon, yuda nos””. Rode Kruis su contesta ta cu e registro a cera y no por yuda mas. Pues, Hulanda a manda placa pa yuda pueblo, y na Rode Kruis no ta yuda famia Arubiano.
Segun e senjora a bisa, cu su yiu muher ta na estado y ta hayando baby y e mester ayudo. Riba dje e personal di Rode Kruis a cuminza bira fresco tambe, ora cu e señora tabata yorando su pensa cerca nan.
E actitud di Rode Kruis, e forma di grita famia Arubiano ta inacceptabel. Sra. Judith a acudi tres ves na Rode Kruis, y te dia di awe nada.
SOLO DI PUEBLO ta spera cu esnan concerni, VNO, GOBERNADOR, y KNOPS por investiga riba e supuestgo ayudo aki cu ta wordo nenga na famianan Arubiano. Y si nan mester di tuma contacto cu e señora aki, nan por pidi SOLO e number y nos lo facilite.
