Mike Eman y Robert Rincon = 50 mil dollar

0
366

Parlamentario Endy Croes: Mike Eman ciega Sordomuda

Mike Eman no a sali duna cuenta ainda riba 50 mil dollar cu el a ricibi di Roberto Rincon

Parlamentario Endy Croes ta bolbe reta Mike Eman pa sali publicamente defende su mes riba e transacion di 50 mil dollar esta 90 mil florin cu el a ricibi riba su cuenta di Banco Fundacion Campaña Mike Eman. Dia 16 di September 2013 11 dia promer cu elkecion na 2013 ( 27 September) e transacion aki a drenta riba cuenta di Mike Eman. POlaka preto di Roberto Rincon kende a wordo sera na merca pa soborno di mil miyon dollar di PDVSA. Plaka sushi aki Mike Eman a sera campaña cu un lighting parade pagando 13 banda riba caya pa pueblo fiesta baila y vota pa AVP.

 Mike Eman actuando manera e cancion di Shakira Ciega Sordomuda:

Desde luna di April a acusa Mike Eman un cantidad di biaha riba e transferencia(nan) preto aki despues cu a ricibi pruebanan palpabel. Mike Eman a escohe e modelo a la estilo e cantica di “Shakira” Ciega Sordomuda. Te cu awe Mike Eman no a bin afor pa splika pueblo dicon el a ricibi plaka di un persona cu a wordo condena pa soborno. Mientrastanto e keho official a wordo entrega final di mei na Ministerio Publico y awor ta enespera pa Ministerio Publico hasi su tarea pa investiga henter e proceso aki y e cuenta di Mike Eman pa sina por determina di kendenan mas Mike Eman a ricibi plaka pa por a core campañanan luhoso na manera cu AVP a core campaña.

Banco lokal a meld na MOT:

Momento un cuidadano deposita un plaka na banco mesora Banco(nan) ta exigi e cuidadano jena formulario di MOT pa asina splika di unda e suma aki a bin. Pa e motibo aki a bay un serie di pregunta oficial na (3) Ministers pa verifica cu instancianan concerni si e Banco encuestion a meld y cumpli cu documentonan “tijdig” y a meld esaki na MOT. Alaves a puntra tambe si MOT na su turno a meld e transferencia aki “tijdig” na Ministerio Publico. Por ultimo Ministerio Publico mester a meld esaki na Veiligheiddienst Aruba( VDA). Si e proceso aki a cana corecto Mike Eman nunka por a bira Promer Minister pa di dos biaha.

LEAVE A REPLY

Please enter your comment!
Please enter your name here