Den cuadro di Learning Cities Aruba – Hunto nos tur ta crece, durante e lunanan di september y october, Ministerio di Educacion, conhuntamente cu Departamento di Enseñansa Aruba(DEA) y e cabesante- y docentenan di e scolnan MAVO na Aruba, lo hiba un serie di reunion di consulta y trabou intensivo.
E obhetivo principal di e sesionnan aki ta pa evalua y harmonisa e maneho di MAVO y e maneho di revisie (revisiebeleid) den enseñansa secundario. E iniciativa aki ta sali for di e necesidad pa dialoga tocante e proceso di revisie pa garantisa cu esakinan ta transparente, husto y uniforma pa tur scol MAVO na Aruba.
Tambe lo enfoca riba fortalecemento di curriculum y prepara e studiante debidamente pa e continuacion di nan estudio na EPI, HAVO of mercado laboral. Por ultimo, calidad y innovacion di enseñansa: scucha e retonan cu e scolnan y docentenan ta enfrenta diariamente y debati riba metodologianan moderno, digitalisacion y e contenido di e programanan di estudio.
E dialogo directo entre e departamentonan di maneho (Ministerio y DEA) y e ehecutornan den e scolnan ta di vital importancia pa crea un vision unifica pa e futuro di nos enseñansa secundario. Ministerio di Educacion y DEA ta expresa nan profundo agradecimento na tur e directornan y docentenan di e scolnan MAVO pa nan compromiso y cooperacion den e proceso aki pa bienestar di e hubentud Arubano.
