Ariba 10 di december 1948 e Asamblea General di e Nacionan Uni a adopta e Declaración Universal de Derechos Humanos y pesey e fecha ki ta wordu celebra rond di mundo. 

Lamentablemente desde e pandemia na Aruba hopi derecho a wordu poni un banda bou di e capa di interes general. 

Pasobra e TDQ no tawata e unico. Lockdown a causa perdida na negoshi/trabou, depresión y perdida di tempo na movimento liber cu nunca mas lo haña bek. Y tur esaki mientras te leeuw cu nos sa niun landsverordening uitzonderingstoestand a wordu traha según art. V.29 di nos Constitucion. 

Asina tambe e derecho riba privacy no tawata conta pa cliente ora cu nan mester pone nomber, adres y telefoonnummer riba un solo lista na establecimentonan y ni pa e patientnan ora cu  e lista di DVG cu nan datos medico di Covid a lek riba caya.

Derecho riba igualidad y e derecho riba un trabou tambe a wordu kita di tur tata y mama di famia cu no lo tin un entrada e Pasco ki y ni foi di 1 di januari 2022 solamente pa no ta vacuna contra COVID mientras cu e trahadornan vacuna cu tambe por haña y transmiti e virus si por a keda traha.  

Derecho riba inviolabilidad di e curpa a wordu tira foi bentana ora cu indirectamente  trahadornan a wordu obliga pa vacuna pa por sigui gana nan pan.

Derecho riba libertad di pensamento y expresion tambe a wordu saca porta afor ora, cu un mayoría na un manera infunda sin cifras, a culpa esnan no vacuna di sobrecarga den hospital y a oprimi e opinion di e grupo ki. A ignora e mesun derecho (persvrijheid) ora cu a detene un reportero den TDQ cu su carta di excepcion. 

Y asina mas derecho humano y fundamental mester a hala pa 1 derecho colectivo di Salubridad publico pa un virus cu un sobreviviencia di 98.9% según e tabel di DVG di 5 di december 2021. Sin cu nos a mira fundamento prueba di e necesidad of proporcionalidad pa esaki. 

Ta bisto cu mayoria hende ta den stress den e crisis ki.

Pero division y punta dede sigur no ta e solucion. Y tampoco un QR code cu no lo beneficia turismo y cu ademas por conduci na más kiebro di derechonan humano ainda. Y e daño por mire caba na tur e famianan cu tawata uni fin di aña pasa pero cu a kibra e aña ki pa diferencia di opinion over di un vacuna pa un virus cu 98,9% di sobreviviencia. 

E crisis ta afecta nos tur y pesey nos mester solucione tur hunto.

E himno di Aruba ta zona entre otro:

Grandeza di bo pueblo ta su gran cordialidad.
Cu Dios por guia y conserva su amor pa libertad.

Pero pa tin cordialidad y amor pa libertad mester respeta tur derecho humano.  

Dus ban haci di Aruba un dushi tera atrobe, pa medio di union, cordialidad, amor pa libertad y respect pa tur derecho humano.

Join nos manifesto pacifico pa mustra cu all human rights and all lives matter sin ningun distincion.

Uni na nos cu T-shirt blanco 10 di december 3:30 pm na Juliana School pa marcha rumbo pa bestuurskantoor pa entrega e manifesto. 

LEAVE A REPLY

Please enter your comment!
Please enter your name here