Parlamentario Endy Croes a felicita Minister Xiomara Maduro kende siman pasa a lansa e campaña “Cumpra Local” Di Nos Pa Nos Mes! Hunto cu IDEA ( Iniciativa pa Desaroyo di Empresa Arubano), Departamento di asuntonan Economico, Comercio y Industria kendenan hunto ta carga e campaña aki esaki a wordo lansa mei mei den Caya G.F.Betico Croes dilanti La Moderna. Funcionario encarga cu IDEA esta Louella Croes Ras tambe a hiba palabra y e elabora con e yega na e “idea” aki y kiko e campaña “Cumpra Local” Di Nos Pa Nos Mes ta encera.

E Meta di e campaña “Cumpra Local” Di Nos Pa Nos Mes:

E meta primordial ta pa conscientisa henter nos pueblo di e importancia di cumpra na negoshinan local tanto servicio y productonan local. Esaki sigur lo aporta pa crea un desaroyo economico sostenibel den e momentonan pisa cu nos pais ta pasando aden door di covid 19. Hunto nos mester lanta Aruba bek y hunto nos lo lanta para. Nos tur mester contruibi awor mas cu nunka pa e plaka circula den nos economia local. Nos lo logra esaki “Cumprando Local”. Di Nos Pa Nos Mes!

A lansa un videoclip jingle Cumpra Local produci pa Jeon:

Durante e mainta aki a lansa un jingle y un videoclip “master” produci pa nos atrista local Jeon “Cumpra Local” Di Nos Pa Nos Mes! E jingle aki a sagudi Caya Betico Croes formalmente den oranan di mainta. Parlamentario Endy Croes a sigui splika cu e ta hopi contento cu aunke den temponan dificil por a tuma nota di e reacion di comunidad fin di siman cu un Caya Betico Croes hopi hopi yen di hende dunando e respaldo na e jamada di e campaña aki esat Cumpra Local.

Pabien na Minister Xiomara Maduro y un palabra di pabien na henter e crew y staff cu traha riba e proyecto aki esta “Cumpra Local” Di Nos Pa Nos Mes! Ban laga e plaka keda lora aki pa hunto nos lanta Aruba atrobe.

LEAVE A REPLY

Please enter your comment!
Please enter your name here