Parlamentario di MEP, drs. Shailiny Tromp-Lee, a expresa su fuerte opinion dialuna durante un encuentro publico, calificando e reunion riba e situacion economico actual como prematuro. Segun e parlamentario, e cantidad grandi di documento ricibi net prome cu e reunion lo a permiti un analisis mas profundo den un comision parlamentario. Esaki lo a facilita un dialogo mas constructivo cu e Minister encarga, brindando asina un claridad mas concreto na pueblo riba e plannan di gobierno.
Tromp-Lee a lamenta cu e tempo limita no ta permiti un debido analisis di e documentonan, ni tampoco haci preguntanan fundamenta. El a señala cu preocupacionnan existi basa riba proyeccionnan di IMF, Banco Central di Corsou y Sint Maarten, y Bureau Economisch Amsterdam, tur indicando un crecemento economico reduci y un inflacion mas halto. E parlamentario a enfatisa e necesidad pa Aruba ta bon prepara pa e impacto di e desaroyonan aki riba turismo, empleo, y e cartera di ciudadanonan.
