Den un entrevista den “Interes di Pueblo” diasabra mainta, mr. Xiomara Maduro, ex-Minister di Finansa, a elabora riba e traspaso di gobierno. El a destaca cu e proceso a tuma luga den un ambiente positivo y ordena, reflehando e respet cu gobernacion di Aruba merece.
Maduro a compara esaki cu e traspaso den 2017, unda e situacion tabata caotico, cu daño na infrastructura y falta di preparacion.
Maduro a enfatisa e importancia di laga un legado positivo, mustrando amor pa pais Aruba te n’e momentonan final di gobernacion. El a elogia e gesto di e Prome Minister saliente di yama esun entrante, y a resalta e habilidadnan di liderasgo y diplomacia di Evelyn Wever-Croes. Segun Maduro, esaki ta un prueba cu Wever-Croes ta un lider dedica na bienestar di Aruba, hasta den e momentonan crucial.
