Durante su mision oficial na Den Haag, parlamentario Eduard Pieters di fraccion di PPA, a eleva e debate riba Rijkswet HOFA for di un discusion politico pa un cuestion constitucional. Su mensahe tabata cla y huridicamente funda: loke ta den wega no ta djis politica, pero e integridad di e orden constitucional di Reino Hulandes.
Budgetrecht: e nucleo di soberania parlamentario
Un di e pilarnan den e argumentacion di Pieters ta e defensa di e budgetrecht di Parlamento di Aruba. Esaki ta un derecho cu dentro di doctrina constitucional ta considera como un di e instrumentonan mas esencial y fundamental di control democratico. โSin budgetrecht, Parlamento ta perde su esencia,โ Pieters a declara. โY un Parlamento sin poder financiero, ta un institucion sin contenido real.โ
Segun su analisis, HOFA ta crea un structura, unda e decisionnan financiero clave por wordo influensia of condiciona for di nivel di Reino, debilitando e autonomia funcional di Parlamento di Aruba.
Un desbalansa institucional cu por crea precedente peligroso
Pieters a adverti cu e introduccion di HOFA, pa e cuadro di articulo 38, lo crea un precedente cu por bay mas leu cu djis un ley. โSi nos acepta esaki awor, nos ta habri porta pa mas intervencion den futuro,โ el a indica. Esaki, segun Pieters, ta move Reino Hulandes for di un modelo di cooperacion entre e paisnan, pa un modelo unda centralisacion ta gana tereno, algo cu ta contra e espirito original di Status Aparte di Aruba.
Alternativa constitucional: supervision ancra den nos propio ley
Na lugar di un Rijkswet imponi, Pieters ta keda presenta un alternativa, cu ta respeta e orden huridico: un begrotingskamer ancra den Staatsregeling di Aruba, eventualmente reforsa via un landsverordening. E mecanismo aki lo fortalece control interno di finansa publico, duna transparencia y disciplina di bon gobernacion y mantene responsabilidad den marco di ley local.
Esaki, segun Pieters, ta cumpli cu e meta di bon gobernacion, sin viola e principio di autonomia constitucional.
Reino Hulandes: igualdad huridico of control politico?
E debate riba HOFA, segun Pieters, ta revela un tension mas profundo dentro di Reino:
Si e relacion entre e paisnan ta basa riba igualdad huridico of riba un interpretacion practico di control politico. El a enfatisa cu Aruba a demostra progreso financiero tangibel, incluyendo reduccion di schuldquote y stabilidad economico, locual ta debilita argumento pa intervencion externo. โUn pais cu ta cumpli, no mester wordo trata como un pais cu ta faya,โ Pieters a subraya.
E Estado di Derecho ta na prueba
Pa Pieters, e pregunta final no ta solamente si HOFA ta deseabel, pero si e ta compatibel cu e marco constitucional di Reino Hulandes y constitucion di pais Aruba. Pues ta mantene integridad di Parlamento di Aruba? Of ta creando un desbalansa cu por mina e Estado di Derecho?
โAutonomia no ta un favor, sino un derecho constitucional,โ Pieters a conclui. โY ta netamente e derecho aki nos mester defende, no reinterpreta y bendโe pa conveniencia politico di algun politico.โ
Conclusie: e lucha pa autonomia ta awor
Pa Pieters, e proceso rond di HOFA no ta un discusion masโta un punto di giro historico.
๐ pa autonomia
๐ pa democracia
๐ pa dignidad di Aruba dentro di Reino
โNos ta partner, no subordinado,โ Pieters a conclui cu firmeza. โY nos lo sigui para firme pa e principio aki.โ
