Presidente di COI Bach no lo tin oposicion pa sigui den e cargo te cu 2025

0
61

E presidente di e Comite Olimpico Internacional, Thomas Bach, ta dispone na sigui den e cargo te cu 2025, ya cu e no ta enfrenta oposicion otro aña den su buskeda di e reeleccion, e entidad a bisa diamars.

Bach a tuma over di Jacques Rogge na 2013, tras di a impone na otro cinco candidato den un eleccion na Buenos Aires.

E presidentenan tin un limite di dos mandato segun e normanan di e organismo Olimpmico. E duracion di e prome mandato presidencial ta di ocho aña y e reeleccion ta garantisa cuater aña mas den e cargo.

“E miembronan di COI a wordo informa awe (…) cu e presidente Thomas Bach lo ta e unico candidato pa e eleccion presidencial, cu lo tuma luga durante e di 137 Sesion di COI na Atenas na maart di 2021,” un comunicado a indica.

Bach ta un abogado Aleman cu a gana un medaya di oro den esgrima den e Weganan Olimpico di Montreal na 1976.

Miembro di COI desde 1991, el a introduci un serie di reforma na 2014 destina pa reduci costo y tamaño di e Weganan Olimpico, ya cu e potencial ciudadnan anfitrion tabata spanta y ta aleha di e proceso pa implicacionnan financiero.

Tambe e mester a lidia cu e consecuencianan di e escandalo di dopahe di e Weganan Olimpico di Sochi 2014, cu a hiba na e prohibicion di e participacion di Rusia na 2018 y mas reciente mester a aplasa pa un aña e cita na Tokyo pa e pandemia di COVID-19.

Bach a goberna COI casi sin oposicion y mayoria di e decisionnan el a ricibi un apoyo unanime di e miembronan di e comite, mas di 100 den actualidad.

Mas di mita di nan a converti dne miembro durante su presidencia.

LEAVE A REPLY

Please enter your comment!
Please enter your name here