Diamars den ora mainta pa merdia a tuma luga un entrada hudicial di parti Cuerpo Policial. Esaki a tuma luga na un compleho di apartamento yama El Conquistador situa na Montaña.
Team di Aresto hunto cu recherchenan, departamento tecnico y polis uniforma a drenta e luga aki. Por a mira cu e apartamento/nan cu nan drenta ta situa patras den e compleho aki.
Na un di e entradanan a detene un homber, cu lo a yega of tawata e momento eynan na stuur di un Toyota Yaris.
Basta dia autoridad lo tawata tin bista ariba un pareha cu ta kedando den e apartamentonan aki.
A confisca tambe varios articulo di interes na e adres aki, inclusivo segun nos a compronde droga.
Di parti Husticia nos no a haya mucho informacion, solamente cu mas o menos 10 persona a wordo deteni entrenan dos hende muhe.
Fuera di e adres aki na Montaña autoridad a drenta dos adres mas laat, pues un total di 3 adres.
