“Si e oportunidad presenta, nos ta dispuesto pa traha; pa awor tur cos ta den man di formador”

686

Durante un entrevista cu Zamir Ayubi na Bonaire, Endy a wordo puntra si e lo bira minister den Gabinete Wever Croes 2.
Contrario na cualke speculacion di “confirmacion”, Endy tabata cla, cu esaki ta un proceso di formador y e ta laga e proceso ey tambe wordo encamina pa formador.
Endy a bisa cu si e wordo yama pa sirbi pais Aruba for di funccion di Minister, e ta mas cu dispuesto. Siembargo nos eleccionnan na Aruba ta parlamentario.

SCREENING:

Desde algun dia caba, e sitio politico di noticia, AVP24.COM ta lansa un cantidad di mentira tras di mentira, mal informando nan lectornan cu lo tin hopi candidato pa minister cu no lo a pasa screening.

Ta parce cu e periodistanan politico ta ansha y ta nan mes kier ta formador y obviamente tur dia ta keda hammer cu un cantidad di coy loco, unda nan ta pretende di sa hopi, unda den realidad nan no sa net nada!

Gaña specula cu bo tin documento, ta keda nada mas cu storia di fantasia.

Bolbiendo bek na Endy Croes, den eleccion el’a logra crece y a subi na 1006 voto.

Contrario na e ponencianan publica pa Everlis Tromp di e sitio web, Endy NUNCA a wordo condena pa ningun huez, pero a sali liber di culpa y den hogeraad a gana tur su casonan.

Ta di compronde tambe cu Endy Croes no tin piedad pa maldad y ta expone tur bagamunderia di e hefe di Everlis Tromp, Patrick Paskel y Nelson Andrade. Ta logico cu e grupo di prensa aki, no ta soporta cu nan berdadnan ta wordo treci na claridad di pueblo.

Si encaso cu Endy Croes mester pasa screening, no tin duda cu e lo pasa tur sorto di screening positivamente, pasobra Endy Croes nunca a tuma placa di Roberto Rincon, y nunca a firma tereno pa Roberto Rincon, pues den un acto unda por jame “soborno”. E documento aki ta expone Mike Eman y Benny Sevinger, Mike de Meza y Richard Arends kendenan nunca mas lo por pasa screening, pasobra nan a abusa di e confiansa di e electorado!

Nan a tuma varios transferencia di Roberto Rincon di 50 mil dollar, y despues mester a firma tereno pa Rincon. Esaki ta un ehempel clasico di soborno!