Sr. Ady Thijsen a entrega keho contra Min. Marisol Lopez Tromp pa acusacionnan serio haci den su contra cu indole penal

0
535

Diamars mainta 10.or, Presidente di Parlamento Sr. Ady Thijsen a yama un reuda di prensa pa asina informa cu el’a entrega un keho contra Minsiter Lopes Tromp, kende a lansa acusacionnan serio den su contra un dia prome, ( dialuna) na salida di Goberandor.

Sr. Thijsen a bisa: Dialuna atardi ora cu Minster Lopes Tromp a sali for di Gobernador, y eynan el’a haci cierto declaracionnan acusatorio. Segun Sr. Thijsen a bisa, den tur trabao por tin diferencia di opinion, pero ora yega e momento cu concientemente of intencionalmente bo ta escoge pa acusa personanan di actonan penal, e ora ey nos ta bay den otro dimension.

Minister Lopes Tromp a declara, cu Sr. Thijsen a pone Griffier marca cu Sr. Howell a vota. Esey ta contra ley, y ta un acto penal. Ora cu bo haci esey, bo mester carga bo responsabilidad, pasobra den 15 aña cu Sr. Thijsen a traha den parlamento, el’a cumpli cu su trabao naar eer en geweten.

Den su man, Sr. Thijsen a mustra un keho cu el’a haci contra Marisol Lopes Tromp, pa acusacion falso, acompaña pa prueba. Tin hendenan a edit video, manipula, y asina kier atacha hende. No ta prome viaha cu nan ta edit videonan di parlamento. Awor ta trata di un acto penal, pasobra Sr. Howell a contesta, el’a bisa cu e ta pro, pa cual e bewijs tey. Sr. Howell tambe ta confirma cu el’a vota.

Ta Griffier ta skirbi/nota, no Sr. Thijsen:
Pues e Griffier a marca di su mes e votacion. E griffier ta conta y ta skirbi. Den e caso aki e mester a conta y skirbi resultado. Segun Sr. Thijsen, e no mag di mishi of skirbi riba e formulario. Ora cu mi a haye’e, e no tabatin e conteo, y mi a pidi e Griffier pa mara e resultado. E Griffier a wordo duna bek e papel, el’a haci conteo y djey Sr. Thijsen a anunci’e.

Sra. Marisol Tromp no solamente kier hinca Ady Thijsen den un problema, pero tambe e Griffier. Su declaracion a pone e instituto di parlamento den lus negativo, haciendo comosifuera ta fechoria ta pasa den parlamento.

Esun cu ta kere cu e kier haci fechoria y hunga wega, e para pa su actonan. Hendenan cu ta busca manera pa atacha tur hende, e Griffier, e funccion di presidente di parlamento, ta bon equiboca.

Cu e keho entrega, Sr. Thijsen a mustra cu e no ta tuma insinuacionnan haci den su contra cu tin indole penal.

LEAVE A REPLY

Please enter your comment!
Please enter your name here