Diamars atardi un grupo di hoben cu ta activo como influencer, consistiendo di Ro-Endry Bryson, Wayne Yu, Lucas Geerman y Shaqion van der Biezen, a bishita Prome Minister Mike Eman. Durante e encuentro nan a graba un video, intercambia idea cu e Prome Minister y presenta nan iniciativa, Flow di Isla.
E hobennan a gradici Prome Minister Eman pa e oportunidad di sinta cu ne y comparti nan vision. Nan ta spera di por colabora cu Gobierno den futuro pa realisa proyectonan cu tin un impacto positivo riba Aruba y su comunidad.
Lucas Geerman kende diasabra ultimo tabata na Bernhardstraat ta verf cas a expresa cu e encuentro tabata uno positivo y a enfatisa cu Aruba ta di nos tur. āMas uni nos ta y mas nos yuda otro, mas miho ta pa Aruba. Poco poco nos por sigui dilanti den tur manera, entre otro limpieza y mantencion di nos isla,ā el a bisa. Flow di Isla pa medio di contenido riba media social, e hobennan kier conscientisa mas hende tocante e importancia di cuida nos ambiente. Asina nan kier motiva otro pa participa activamente den e actividadnan di limpieza.
Segun e hobennan, nan generacion tin un responsabilidad importante, ya cu nan ta futuro di Aruba. Nan a indica cu nos isla ta nos cas y cu nos tin cu mantene nos cas limpi. Si nos mes no tuma e iniciativa awe, maƱan nos por keda cu un isla yen di sushi.
Como parti di Flow di Isla, nan ta invita tur hoben y henter comunidad pa uni, duna un man y contribui na un Aruba mas limpi. E meta ta pa crea un movimiento positivo cu ta beneficia pueblo di Aruba, tanto awor como den futuro.
Cu e mensahe, āNos Flow di Isla ta invita Aruba completo pa haci limpiā, e hobennan ta haci un yamada na unidad, responsabilidad y amor pa nos isla.
